Gjykata e Apelit: Posta lidhi marrëveshje të paligjshme me institucione qendrore e lokale – Ora Info Ballina | ORAinfo.com - Nuk ndalet
Lajmet e fundit
0 °C

Gjykata e Apelit: Posta lidhi marrëveshje të paligjshme me institucione qendrore e lokale

13:04 | 04 Nëntor 2019

Posta e Kosovës ka humbur betejën me Autoritetin Kosovar të Konkurrencës.

Autoriteti i Kosovar i Konkurencës ka fituar kontestin gjyqësor ndaj Postës së Kosovës.

Kjo e fundit e kishte paditur AKK-në për shkak të vendimit që kishte marr kundër Postës së Kosovës pasi kishte lidhur marrëveshje të jashtëligjshme me institucionet qendrore dhe lokale, duke i vendosur konkurrentët tjerë në pozita të pafavorshme konkurruese.

Gjykata e Apelit i ka dhënë të drejtë AKK-së duke hedhur poshtë padinë e Postës së Kosovës.

Aktgjykimin e ka bërë të ditur kryetari i Autoritetit Kosovar të Konkurrencës, Valon Prestreshi.

“Sot, Autoriteti Kosovar I Konkurrencës pranoj aktgjykimin nga gjykata e apelit, i cili aktgjykim vërteton si të ligjshëm Vendimin e AKK-së kundër Postës së Kosovës e cila kishte lidhur marrëveshje të jashtëligjshme me institucionet qendrore dhe lokale, duke I vendosur konkurrentët tjerë në Pozita të pafavorshme konkurruese!” ka shkruar Prestreshi në profilin e tij në facebook ku edhe ka publikuar aktgjykimin. /ORAinfo/

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!