Një lajm aspak i mirë ka ardhur për skuadrën e Barcelonës.
Situata në kampin e Barcelonës po vazhdon të bëhet akoma më keq.
Lëndimet janë duke vështirësuar shumë sezonin e Barcelonës, me emra si Luis Suarez, Ousmane Dembele, Jordi Alba, Samuel Umtiti, Clement Lenglet që gjatë sezonit janë prekur nga lëndimet.
Së fundmi, faqja zyrtare e Barcelonës ka njoftuar për një tjetër lojtar që është lënduar.
Arthur Melo nuk do të jetë i gatshëm që të ndihmojë skuadrën e tij në ndeshjen kundër Real Sociedad.
Arthur ka pësuar një lëndim në kyçin e këmbës, duke e pasur të pamundur të jap kontributin e tij në fundjavë.
Mesfushori brazilian ishte startues në ndeshjen kundër Real Madrid, por situata e tij është vështirësuar gjatë javës.
Mbetet të shihet se cila do të jetë zgjedhja e Quique Setien për mesfushën, pas mungesës së Arthur.