Derisa Ralf Rangnick pritet të udhëheqë revolucionin e të rinjve në AC Milan, ata janë lidhur me shumë lojtarë nga Bundesliga. Mario Götze, mesfushori i Borussia Dortmund, është njëri prej tyre.

Kontrata e 27-vjeçarit me ekipin gjerman do të skadojë në fund të sezonit dhe nuk do të rinovohet. Kjo u konfirmua nga drejtori sportiv i klubit Michael Zorc, duke folur drejtpërdrejt në Sky Germany përpara ndeshjes Wolfsburg-Dortmund, përcjell ORAinfo.

“Ne do t’i japim fund marrëdhënies sonë të punës me Mario në fund të sezonit. Është një vendim i përbashkët pas një bisede transparente. Mario është një djalë me të vërtetë i mirë”, deklaroi ai duke konfirmuar largimin e Götze.

Në fillim të këtij muaji, gazeta gjermane Bild raportoi se Milani është i interesuar për Götze, duke monitoruar nga afër situatën e lojtarit. Sidoqoftë, ata nuk janë të vetmit pasi Lazio dhe Roma janë duke rënë në prapavijë.

Që atëherë, ka pasur pak konfirmime për këtë çështje, mbase tregojnë se Milani nuk është aq i interesuar për mesfushorin.

Në çdo rast, tani është konfirmuar plotësisht se Götze do të jetë në dispozicion me një transferim falas pasi të përfundojë sezoni, a do ta shfrytwzojw Milani, kjo mbetet tw shihet nw javët nw vazhdim. /ORAinfo/

Komento:

	Komenti