Një grabitje e armatosur ka ndodhur në orët e para të mëngjesit të së premtes në Prishtinë, ku dy persona të maskuar kanë arritur të marrin mijëra euro nga një pompë derivatesh, pasi kanë kërcënuar punonjësit me thikë.

Sipas njoftimit të Policisë së Kosovës, rasti ka ndodhur më 20 qershor 2026, rreth orës 02:50, në rrugën “Ramiz Cernica” në Prishtinë. Dy punëtorët e pompës së derivateve kanë raportuar se derisa ishin në vendin e tyre të punës, në objekt kanë hyrë dy persona të maskuar.