Mocioni i LDK-së, Grenell: Çështjet politike nuk janë fokusi im.

I dërguari special për dialogun Kosovë-Serbi, Richard Grenell ka zgjedhur të mos flas rreth zhvillimeve aktuale në vend, për mocion mosbesimin e LDK-së për rrëzimin e Qeverisë Kurti.

”Çështjet politike nuk janë fokusi i tij”, ka thënë për klankosova.tv, zëdhënësi i Richard Grenell, Dick Custin.

Custin, në përgjigjien e tij tutje ka shtuar se emisari Richard Grenell është i fokusuar në krijimin e vendeve të reja të punës.

”Fokusi i Ambasadorit Grenell është në zhvillimin ekonomik dhe krijimin e mundësive për punë”.

Kosova aktualisht gjendet në një krizë politike ndërsa dhe vazhdon të përballet edhe me pandeminë e koronavirusit.

Kreu i LDK-së Isa Mustafa inicioi mocion mosbesimi ndaj Qeverisë, pasi Kryeministri Albin Kurti pa paralajmërim e shkarkoi Agim Veliun e LDK-së nga detyra e Ministrit të Brendshëm.

Komento:

	Komenti