Guardiola: Rezultat i pabesueshëm, por na nevojitet një tjetër paraqitje e madhe.

Pep Guardiola ndihet mjaft i lumtur pas fitores së madhe që e regjistroi Manchester City mbrëmë.

“Citizens” e mposhtën Bayern Munichun me rezultat të thellë, 3:0 në ndeshjen e parë çerekfinale të Ligës së Kampionëve për ta bërë një hap të madh drejt kualifikimin në gjysmëfinale, shkruan Gazeta Express.

Sidoqoftë, trajneri spanjoll insiston se kampionët e Anglisë nuk e kanë kryer krejt punën, duke kërkuar nga ata të jenë të vëmendshëm në ndeshjen e kthimit në “Allianz Arena”.

“Për 55-60 minuta ishte e ngushtë, një lojë e bukur e Championsit, mes dy top-ekipeve. Nuk arritëm t’i kontrollonim krahët pas golit të Rodrit dhe kemi dhënë shumë hapësira. Ata ishin superiorë në 10-15 minutat e parë, kishin edhe raste. Ishte një rezultat i pabesueshëm, por e di mirë se çka do të thotë të luash në Munich. Na nevojitet një tjetër ndeshje e rëndësishme, një tjetër lojë e madhe”, u shpreh Guardiola.

Manchester City e ka një avantazh solid ndaj gjigantit bavarez për të shkuar në gjysmëfinale të Ligës së Kampionëve.

Komento:

	Komenti