Halil Matoshi flet për sukseset e Qeverisë Haradinaj – Ora Info Ballina | ORAinfo.com - Nuk ndalet
Lajmet e fundit
0 °C

Halil Matoshi flet për sukseset e Qeverisë Haradinaj

18:51 | 14 Gusht 2019

Matoshi ka folur për sukseses e Qeverisë Haradinaj.

Për të biseduar për gjendjen aktuale politike në vend, qeverinë në largim dhe atë në ardhje, të ftuar në ishin, Halil Matoshi, këshilltari i kryeministrit në detyrë, Ramush Haradinaj, dhe analisti politik, Imer Mushkolaj.

Për punën e Haradinajt, Halil Matoshi, tha se ai u tregua mjaft i suksesshëm, dhe për këto suksese, do të flitet në tërë dekadën e ardhshme.
Matoshi, shtoi se qeveria në largim, i ka kryer të gjitha punët e mëdha, si rezultat i kësaj, qeveria në ardhje mund të koncentrohet në fushën e ekonomisë.

“Është treguar shumë i suksesshëm ne mbrojtje të identitetit dhe sovranitetit të Kosovës, për këto gjëra do të flasim në televizione edhe për një dekade. I kemi kaluar kohërat e vështira, qeveria e ardhshme do të merret vetëm me krijimin e vendeve të reja të punës, pra gjendjen ekonomike, sepse punët që të rrezojnë përtokë, i ka kryer qeveria Haradinaj.”, tha Matoshi.

Tutje, ai i përmendi, sipas tij, disa na sukseset e qeverisë së tij.

“Ushtria e Kosovës, për të cilën i madh e i vogël nga politika kanë thënë se Haradinaj po na i prish raportet me Amerikën, por nuk doli ashtu. Tjetra, është taksa e vendosur nga kjo qeveri, e cila i prishi idetë për korrigjim të kufijve dhe idetë e tilla”, deklaroi Matoshi.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!