Haradinaj e quan sërish mashtrues Kurtin: Pas 6 javësh po i fton liderët në takim. Je joserioz – Ora Info Ballina | ORAinfo.com - Nuk ndalet

Haradinaj e quan sërish mashtrues Kurtin: Pas 6 javësh po i fton liderët në takim. Je joserioz

13:26 | 18 Prill 2020

Haradinaj i përgjigjet Kurtit: Pas 6 javësh po i fton liderët në takim. Je joserioz dhe mashtrues.

Kryetari i AAK-së, Ramush Haradinaj iu ka përgjigjur përmes një letre ftesës së kryeministrit në detyrë, Albin Kurti që u ka bërë liderëve politikë lidhur me menaxhimin e Pandemisë.

Haradinaj ka thënë se Kurti është mashtrues dhe joserioz duke i ftuar pas gjashtë javës liderët në takim.

Ai në këtë letër ka refuzuar ftesën e Kurtit duke thënë se asnjëherë nuk do të marrë pjesë në tryeza të tilla.

“Përderisa ftesat tuaja janë të vona në kohë e në raport me zhvillimin dhe nuk janë të kualifikuara me legjitimitet institucional e politik, me kënaqësi ju njoftoj se nuk do të marrë pjesë asnjëherë në tryezat e tilla”, ka deklaruar Haradinaj.

Komento: