Daut Haradinaj e quan të çuditshëm vendimin e Kushtetueses.
Shefi i Grupit Parlamentar të AAK-së, Daut Haradinaj ka thënë se aktgjykimi i Gjykatës Kushtetuese në rastin e deputetit Etem Arifi është pak i çuditshëm, pasi për herë të parë ua merr mandatin 120 deputetëve.
“Është vendim pak i çuditshëm, por ne si AAK e respektojmë këtë vendim sikurse e kanë respektuar të gjitha subjektet tjera. Megjithatë, ky vendim nuk e qartëson saktë se çka ndodh me deputetët tjerë që kanë pasur problem me ligjin”, ka thënë Haradinaj në RTK.
“Logjikisht neve na certifikon KQZ-ja dhe në momentin që e bënë këtë atëherë unë jam mandatar për deputet. A ka bërë shkelje KQZ-ja kur e ka certifikuar Etem Arifin si deputet, kjo le t’i mbetet KQZ-së. Po si duket në këtë rast Gjykata Kushtetuese ia ka shtuar edhe një pjesë Kushtetutës sonë”, ka shtuar Haradinaj.