Haradinaj flet për liberalizimin e vizave, kritikon Evropën – Ora Info Ballina | ORAinfo.com - Nuk ndalet
Lajmet e fundit
0 °C

Haradinaj flet për liberalizimin e vizave, kritikon Evropën

11:56 | 18 Prill 2019

Kreu i Qeverisë së Kosovës, Ramush Haradinaj ka thënë se Evropa ia ka borxh Kosovës liberalizimin e vizave.

Haradianj po ashtu tha se për këtë çështje do të flas edhe në Samitin e Berlinit me dy udhëheqësit kryesorë, Angela Merkel dhe Emmanuel Macron.

“Samiti i Berlinit është një mundësi e mirë dhe një tavolinë e përbashkët e Ballkanit Perëndimor dhe Kosova e ka perspektiven evropiane dhe për mua ka shumë rëndësi se Evropa e ka një borxh ndaj Kosovës, pra liberalizimin e vizave dhe vendimi ende nuk është marrë. Aty janë udhëheqësit kryesor si Merkel dhe Macron, shpresoj që të kam mundësi t’ua rikujtoj këtë borxh”, ka thënë Haradinaj.

Po ashtu Haradinaj ka thënë se nuk beson se në Samitin e Berlinit do të ketë negocim për territorin e Kosovës.

“Nuk mendoj se aty do të ketë negocim për territorin e Kosovës dhe Serbisë e as për Zajednicë”, tha tutje Haradinaj.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!