Në Samitin e Munihut po merr pjesë edhe kryeministri Ramush Haradinaj.
Ai është takuar me Kryediplomatin gjerman, Heiko Maas, në kuadër të Samitit të Mynihut. Haradinaj tregon se me të foli për liberalizimin e vizave.
Përmes një shkrimi në Facebook, Haradinaj ka treguar se me Ministrin e Jashtëm gjerman ka marrë përkrahjen për heqjen e vizave.
Shefi i Ekzekutivit nuk e ka përmendur nëse me Maasin ka folur për heqjen e taksës ndaj produkteve serbe dhe boshnjake.
Shkrimi i plotë:
Pata kënaqësinë të takoj ministrin e Jashtëm të Gjermanisë, Heiko Maas në kuadër të qëndrimit tim në Mynih, një përkrahës i madh i Kosovës, nga i cili pranova konfirmimin e mbështetjes së shtetit gjerman për liberalizimin e vizave dhe rrugën europiane të vendit.
Kosova ka përmbushur të gjitha kriteret për të lëvizë lirshëm dhe mbështetja gjermane në këtë fazë është e domosdoshme edhe për procesin e dialogut dhe çështje të tjera të rëndësishme për vendin.
Rast i shkëlqyer për të biseduar rreth mundësive të reja të thellimit të miqësisë e bashkëpunimit, politik dhe ekonomik mes shteteve tona.
Ministrin Maas e falënderova për qëndrimin e qartë dhe mbështetjen e plotë të Gjermanisë për vendin dhe popullin tonë.
Përkrah Gjermanisë dhe partnerëve të saj Kosova është çdo herë e më e fortë!
RH
11 °C
