Gjatë qëndrimit të tij në Kosovë, i pari i Qeverisë shqiptare, Edi Rama, ka zhvilluar takim edhe me kreun e AAK-së, Ramush Haradinaj. Ky i fundit ka shpalosur detaje se çka u bisedua në takim.

Ramush Haradinaj tha se Edi Ramës në takim ia kërkoi hekurudhën Kosovë-Shqipëri.

“Po ashtu, diskutuam për gjendjen e sigurisë në Kosovë me theks të veçantë në veriun e vendit”, shton Haradinaj.

Postimi i tij i plotë:

RAMËS I KERKOVA HEKURUDHËN KOSOVË – SHQIPËRI

Me Kryeministrin Edi Rama diskutuam çështjen e finalizimit të hekurudhës Prishtinë – Durrës si projekt i domosdoshëm, që lehtëson qarkullimin dhe lidh edhe më tepër vendet tona, i rëndësishëm për forcimin e sigurisë në rajon dhe integrimin në NATO.

Po ashtu, diskutuam për gjendjen e sigurisë në Kosovë me theks të veçantë në veriun e vendit.

Bashkëpunimi vëllezëror ndërmjet dy vendeve tona është jetik për zhvillimin e gjithëmbarshëm. Qeveritë në Prishtinë dhe Tiranë duhet të bëjnë të pamundurën që të heqin të gjitha barrierat që vështirësojnë bashkëpunimin në të gjitha fushat e posaçërisht në atë ekonomike.

Komento:

	Komenti