Politikani nga Shqipëria përkrah Haradinajn për President.

Ish-deputeti shqiptar, Koço Kokëdhima përmes një postimi të bërë në faqen zyrtare Facebook, i ka dhënë mbështetjen e tij ish-kryeministrit të Republikës së Kosovës, Ramush Haradinajt për t’i hyrë garës për president.

Politikani shqiptar, ka thënë ndër të tjera se populli i Kosovës meriton një qeveri të ligjshme dhe një president patriot përballë sfidave të zhvillimit ekonomik dhe nevojës së konsolidimit të shtetit.

Ky është postimi i plotë:

E përkrah ambicien e ish-kryeministrit të Kosovës, Ramush Haradinaj, për të garuar për president të Republikës së Kosovës.

Ai ka luftuar dhe familja e tij ka derdhur gjak si rrallëkush tjetër për lirinë e Kosovës.

Ramushi në krye të shtetit do të jetë garanci kundër politikanëve antishqiptarë që mbështesin ndarjen e vendit dhe ndryshimin e kufijve.

Por Kosova duhet të zgjidhë njëherësh edhe krizën qeverisëse.

Pas puçit kundër VV-së, në pushtet është një kabinet qeveritar pa mandat popullor, pjellë e kulisave dhe asnjë arnim nuk do ta përmirësonte atë.

Populli i Kosovës meriton një qeveri të ligjshme dhe një president patriot përballë sfidave të zhvillimit ekonomik dhe nevojës së konsolidimit të shtetit.

Komento:

	Komenti