Hellas Verona do të jetë pjesë e Serie A edhe për sezonin e ardhshëm.

Skuadra e drejtuar nga Marco Zaffaroni mposhti sonte Spezian, në ndeshjen vendimtare për mbijetesë në elitën e futbollit italian.

Pasi të dy skuadrat e kishin mbyllur sezonin me pikë të njëjta në Serie A, duhej që sonte të zhvillohej mes tyre kjo ndeshje e “play-outit”.

Ndeshja e zhvilluar sonte në “Mapei Stadium” përfundoi me rezultatin 1:3.

Davide Faraoni (5’) dhe Cyril Ngonge (26’, 38’) shënuan golat e fitores për Hellas Veronan.

Golin e vetëm për Spezian e shënoi Ethan Ampadu (15’).

Kështu, Hellas Verona siguroi garimin në Serie A edhe për sezonin e ardhshëm, kurse Spezia do të jetë pjesë e Serie B.

Nga Serie A kanë rënë edhe Cremonese e Sampdoria.

Komento:

	Komenti