Heqja e Karantinës, mërgimtarët drejt Kosovës: Nesër 7 fluturime nga Zvicra për në Kosovë – Ora Info Ballina | ORAinfo.com - Nuk ndalet

Heqja e Karantinës, mërgimtarët drejt Kosovës: Nesër 7 fluturime nga Zvicra për në Kosovë

10:30 | 26 Shtator 2020

S’ka më karantinë, mërgimtarët drejt Kosovës: Nesër 7 fluturime nga Zvicra për në Kosovë.

Zvicra ka marrë vendim që Kosovën ta largojë nga lista e zezë, duke hequr karantimin për qytetarët që kthehen në shtetin zviceran nga data 28 shtator. Pak orë pas këtij vendimi, mërgimtarët kanë filluar të planifikojnë fluturime drejt Kosovës.

Lajmin e ka bërë të ditur menaxheri i planifikimit të fluturimeve në Aeroportin “Adem Jashari”, Driton Hyseni.

“Mërgata jonë sapo e morri lajmin e autoriteteve Zvicerane ia mësyjnë vendlindjes, Kosovës së dashur. Në këto pak orë nga vendimi janë shtatë fluturime të reja të planifikuara për të dielën 27 shtator e shumë të tjera të konfirmuara për javën që vjen… Mirë se vini”, ka shkruar Hyseni në Facebook.

Zvicra kishte futur Kosovën në listë për karantimin nga 6 korriku.

Komento: