Dje, Prokuroria Speciale e Kosovës bëri të ditur se e ka nisur një hetim në lidhje me ligjshmërinë e kontratës për ndërtimin e dy urave të reja mbi lumin Ibër në Mitrovicë nga Qeveria në detyrë e Kosovës. Nga prokuroria u tha se hetimi nuk ka të bëjë me ndonjë kundërshtim ndaj ndërtimit të urave në fjalë, por me “përmbushjen e detyrimeve ligjore” të kontratës për ndërtimin e tyre.

Rreth kësaj, ka reaguar deputeti i Lëvizjes Vetëvendosje, Arber Rexhaj, duke thënë se Prokuroria Speciale u ‘’aktivizua’’ pasi që peticioni i Listës Serbe nuk pati sukses.

Ai shkroi edhe se, kur të përfundon ndërtimi i urave, duhet te vendoset një pllakat ku thuhet se kundër ndërtimit tyre ishin edhe disa individë në Prishtinë.

‘‘Pasi nuk pati sukses peticioni i Listës Serbe, u aktivizua Prokuroria Speciale në Prishtinë. Kur të ndërtohen ura duhet te vendoset diku një pllakatë ku thuhet se kundër ndërtimit tyre ishin edhe disa individë në Prishtinë’’, ka shkruar ai.