Lojtarët e Milanit Pepe Reina dhe Lucas Biglia i kanë thënë lamtumirë Gonzalo Higuain i cili do të bashkohet me Chelsean.

Sulmuesi pritet të fluturojë te Chelsea nesër ose të enjten, duke ndërprerë huazimin e tij nga Juventusi gjashtë muaj më parë përcjell ORAinfo.

Ai është liruar sepse Krzysztof Piatek po vjen në Milano këtë mbrëmje për të pasur nesër testet mjekësore.

“I thashë lamtumirë Higuainit me një përqafim, është gjithmonë një moment i hidhur”, pranoi Reina gjatë aktivitetit bamirës të kësaj mbrëmjeje në Milano.

“I kam uruar të gjithë të mirat dhe i dhashë atij një përqafim. Për fat të keq, ky është futbolli. Unë po humbas një shok, por mbaj një mik të madh “.

Mesfushori i Milanit, Biglia, kaloi shumë kohë me Higuain në ekipin kombëtar të Argjentinës.

“Ka një ndjenjë të hidhur kur them lamtumirë, pasi Pipita është mik”, tha Biglia në të njëjtën ngjarje./ORAinfo/

Komento:

	Komenti