Hradinaj i bindet letrës së BE-së, mbështet Thaçin për dialog – Ora Info Ballina | ORAinfo.com - Nuk ndalet

Hradinaj i bindet letrës së BE-së, mbështet Thaçin për dialog

12:35 | 18 Dhjetor 2018

Kryeministri Ramush Haradinaj ka mbështetur presidentin Hashim Thaçin në procesin e dialogut.

Qeveria e ka siguruar Brukselin se mbështet presidentin Thaçi në procesin e dialogut me Serbinë, “bazuar në kompetencat e tij kushtetuese”.

“Qeveria e Kosovës në baza të rregullta komunikon me Bashkimin Evropian. Ne jemi të përkushtuar për dialog. Bazuar në kompetencat që ka, Qeveria është angazhuar me të gjitha kapacitetet e saja për një dialog konstruktiv dhe në të njëjtën kohë respekton dhe mbështet Presidentin në këtë proces, bazuar në kompetencat e tij Kushtetuese”, ka qenë përgjigja e zëdhënëses së qeverisë, Donjeta Gashi, dhënë “Kohës Ditore” pas letrës së dytë të përfaqësueses së lartë të BE-së për Politikë të Jashtme dhe Siguri, Federica Mogherini, komisioneres për Tregti, Cecilia Malstrom, dhe komisionerit për Fqinjësi dhe Zgjerim, Johanes Hahn.

Mbështetja e qeverisë për presidentin vjen pas lidershipit të proklamuar nga bashkëkryesuesit Limaj-Ahmeti se, tash ata do ta kenë fjalën përfundimtare në dialog.

Komento: