Humb jetën një grua, goditet nga rrufeja – Ora Info Ballina | ORAinfo.com - Nuk ndalet
Lajmet e fundit
0 °C

Humb jetën një grua, goditet nga rrufeja

09:26 | 09 Qershor 2019

Ka humbur jetën një grua pasi është goditur nga rrufeja.

Ngjarja ndodhi përderisa ishte duke u ngjitur në një mal që ndodhet afër brigjeve perëndimore të Skocisë.

Gruaja 55 vjeçe, emri i së cilës nuk është bërë i ditur, ishte duke u ngjitur afër qytetit Glencoe të shtunën në mbrëmje kur ajo dhe një person tjetër u goditën nga rrufeja.

Policia e Skocisë njoftoi se të dy personat u dërguan në spitalin e Fort Ëilliamit përmes helikopterit, por gruaja vdiq për shkak të lëndimeve. Personi tjetër ndodhet në gjendje stabile. Autoritetet i kanë informuar të afërmit e gruas për vdekjen e saj.

Për gjetjen e grupit të goditur nga rrufeja u përdorën helikopterët e shërbimit shëndetësor dhe u angazhuan edhe rojet bregdetare.
Personat që ishin duke u ngjitur në mal ndodheshin në një mal që është vetëm pesë kilometra larg Ben Nevisit, e cila është maja më e lartë në Britaninë e Madhe.

Inspektorja Isla Campbell tha: “Jemi mirënjohës për përpjekjet dhe reagimin profesional të agjencive partnere në këtë incident t.agjik dhe ia shprehim ngushëllimet tona familjes së gruas së vdekur”, shkruan “The Guardian”

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!