Bashkimi Evropian nuk arriti të miratojë paketën e 20-të të sanksioneve kundër Rusisë gjatë mbledhjes së ministrave të Jashtëm, pasi Hungaria vendosi veto. Lajmin e konfirmoi menjëherë pas takimit shefja e diplomacisë së BE-së, Kaja Kallas.

Paketa synonte të dërgonte një “mesazh të fortë” ndaj Moskës përpara 24 shkurtit, që shënon katër vjet nga nisja e pushtimit të plotë rus të Ukrainës.

“Fatkeqësisht, nuk arritëm një marrëveshje për paketën e 20-të të sanksioneve. Ky është një hap pas dhe një mesazh që nuk donim ta dërgonim sot, por puna vazhdon”, deklaroi Kallas.