I dërguari special i kryeministrit britanik për Ballkanin Perëndimor, Stuart Peach, është i mendimit se Serbia duhet të vendosë sanksione ndaj Rusisë.

“Britania i bën thirrje Serbisë të vendosë sanksione kundër Rusisë sepse është vendi i fundit në Ballkanin Perëndimor që nuk e ka bërë këtë, por edhe të hetojë parregullsitë e mundshme në zgjedhjet e mbajtura në dhjetor, në mënyrë që të ruhet integriteti i procesit zgjedhor”, tha Peach gjatë një vizite në Zagreb.

Ai shprehu mbështetjen absolute për normalizimin e marrëdhënieve ndërmjet Beogradit dhe Prishtinës dhe dënoi ngjarjet në Banjska më 24 shtator, transmeton FrontOnline.

“Normalizimi midis Beogradit dhe Prishtinës do të përfitojë të gjithë qytetarët e të dy vendeve, si dhe rajoni”, tha Piç.

I dërguari britanik përsëriti se është i shqetësuar për situatën në Bosnje dhe Hercegovinë dhe theksoi se Republika Srpska nuk mund të jetë një shtet i pavarur.

“Londra i dënon ato kërcënime dhe thotë se Republika Srpska është një njësi legjitime brenda Bosnjës, por ajo nuk mund të jetë një shtet i pavarur, siç dëshiron ta bëjë presidenti i saj Milorad Dodik. Ne vazhdojmë të mbështesim marrëveshjen e Dejtonit,” vuri në dukje Peach./FrontOnline/

Komento:

	Komenti