65-vjeçari që dyshohet se u vra dje në Mitrovicë kishte edhe lëndime të tjera, asnjë i dyshuar.

Askujt nuk i mundësohet hyrja në Shoqatën e shurdhmemecëve në Mitrovicë këtë të mërkurë.

Zyrat e kësaj qendre ishin të mbyllura një ditë pasi kryetari i kësaj shoqate, Nystret Gubetini u vra.

65 vjeçari u gjet këtu pa shenja jete, i goditur me një mjet të fortë në kokë.

Kush e beri nuk dihet, por policia e Kosovës shkarkoi pamjet e një lokali afër.

Ani pse ekipit të T7 iu kërkua të mos xhirohen as policët e as lokali, 100% e pamjeve për ditët e fundit hyn në pajisjet elektrike te policisë.

Rezultatet e këtyre dëshmive, po i presin edhe familjarët e 65 vjeçarit.

Ata thonë se identifikimi e arrestimi i dorasit do ta zbuste dhimbjen e tyre.

Njëri nga ta tregon disa nga rrethanat në të cilat u gjet i vdekur Gubetini.

I ndjeri nuk kishte ndonjë mosmarrëveshje me dikë.

Ceremonia e varrimit të tij filloi në orën 14:00, këtu në varrezat e qytetit në fshatin Shipol të Mitrovicës.

Numri i madh i personave që vinin në varrimin e tij, rritej vazhdimisht.

Nën ritet fetare iu dha edhe lamtumira e fundit.

E vëllai i viktimës nën emocione tha se vëllai i tij kishte edhe shenja tjera në trup.

Ai shton se vëllai i tij, e as familja nuk kishin probleme me askënd.

E nga Policia e Kosovës nuk dhanë shumë informacione.

Kurse gjatë ditës nga Prokuroria Themelore në Mitrovicë njoftuan se vrasja e 65 vjeçarit u krye në mënyrë të dhunshme.

Komento:

	Komenti