Chelsea, thuhet se ka vendosur të mos e shtyjë marrëveshjen e huazimit të Gonzalo Higuain përtej fundit të sezonit.

31-vjeçari u transferua në Stamford Bridge në një kontratë fillestare gjashtëmujore në janar, por nuk arriti të bënte përshtypje gjatë gjysmës së dytë të fushatës dhe shënoi vetëm pesë gola në 21 paraqitje për klubin, përcjell ORAinfo.

Chelsea ka mundësinë të zgjasë huazimin e Higuain me 12 muaj të tjerë për 15.7 milionë funte ose të bëjë këtë lëvizje të përhershme për 31.6 milionë funte, por Daily Mail njofton se ata do ta dërgojnë atë përsëri në Juventus pas finales së Europa League.

Juventusi është i gatshëm të shkarkojë sulmuesin pasi ai ka dy vjet të mbetur në një kontratë fitimprurëse në Torino dhe kampionët italianë e kishin dërguar atë te AC Milan në hua përpara se të shkonte në Chelsea./ORAinfo/

Komento:

	Komenti