Paris Saint Germain ka shënuar një fiture të rëndësishme në udhëtim ndaj Manchester Unitedit, me rezultat 2:0 në kuadër të Ligës së Kampionëve.

E heroi i PSG-së, Kylian Mbappe, është deklaruar pas fitores së skuadrës së tij në ‘Old Trafford’ ndaj Manchester United në ndeshjen e parë të 1/8 së finales së Ligës së Kampionëve.

Kampionët e Francës edhe pse me disa mungesa, arritën të marrin fitore të pastër prej 0-2 ndaj Manchester United në udhëtim.

Mbappe, që shënoi golin e dytë në këtë ndeshje, është shprehur i lumtur për fitoren, por ka thënë se kjo është vetëm gjysma e punës për skuadrën e tij.

“Ne jemi të lumtur, por kjo është vetëm gjysma e punës”, ka deklaruar Kylian Mbappe, përcjell ‘lajmi.net’.

“Ne do të vazhdojmë të përgatitemi. Në 20 minutat e fundit, ne ishim të goditur nga lodhja. Tani kemi tre javë për t’u siguruar që jemi gati të arrijmë kualifikimin tonë”.

“Kishim një sistem të ri dhe ne vërtetë nuk ishim duke e përdoruar atë. Kishim shumë mesfushorë dhe jo shumë sulmues. Kemi nevojë për kohë për t’u përshtatur, edhe pse mund të ndëshkohemi për këtë në Ligën e Kampionëve”.

Komento:

	Komenti