I vdes vëllai nga koronavirusi, flet kryetari i Rahovecit – Ora Info Ballina | ORAinfo.com - Nuk ndalet

I vdes vëllai nga koronavirusi, flet kryetari i Rahovecit

16:52 | 01 Gusht 2020

Kryetari i Rahovecit reagon pas vdekjes së vëllait nga COVID-19.

Kreu i Komunës së Rahovecit, Smajl Latifi, ka reaguar pas vdekjes së vëllait të tij, Adem Latifit, si pasojë e virusit COVID-19, shkruan Express.

Latifi thotë se është shumë e rëndë ndarja me vëllain, derisa ka thënë se Ademi ka qenë shtylla e familjes.

Ai gjithashtu ka treguar se ceremonia e varrimit do të bëhet sot në orën 18:00.

Shkrimi i plotë:

Të nderuar familjarë, miq e dashamirë!

Me dhimbje të thellë ju njoftoj se sot ka ndërruar jetë vëllai im Adem (Malush) Latifi.

E rëndë, shumë e rëndë ndarja nga ti, baca Adem!

Më ishe më shumë se vëlla. I gatshëm të përqafoje idetë përparimtare dhe gjithmonë i preokupuar për të mirën e përgjithshme. Ishe shtyllë e fortë ku mbështetej familja jonë. I thjeshtë, parimor dhe i përmbajtur si rrallë të tjerë, i kreve pa u ndjerë obligimet familjare e shoqërore me përkushtim. Dallgët e jetës të goditën, por nuk u theve dot. Të mposhti sëmundja që po bën kërdi në mbarë botën, por tani e kuptuam edhe më mirë sa shumë të kemi dashur. Mungesën tënde do ta ndjejmë, jo vetëm ne familjarët, por edhe shoqëria e ngushtë dhe e gjerë.

Shembull i punës e i përkushtimit për të mirën e përgjithshme dhe punëtor i pafjalë e shembullor.

Varrimi bëhet sot me datë 1 gusht 2020 në ora: 18:00, në varrezat e fshatit Ratkoc.

Prehu në paqe, baca im Adem!

Të pikëlluar familja Latifi!

Komento: