Inaugurimi i presidentit Pendarovski, marrin pjesë edhe Meta e Thaçi – Ora Info Ballina | ORAinfo.com - Nuk ndalet
Lajmet e fundit
0 °C

Inaugurimi i presidentit Pendarovski, marrin pjesë edhe Meta e Thaçi

09:34 | 12 Maj 2019

Sot do të bëhet inaugurimi i Presidentit Stevo Pendarovski, e kjo do të bëhet përmes një seance solemne nga Kuvendi i Maqedonisë së Veriut.

Fjalimi dhe betimi i Pendarovskit para Kuvendit do të përcillet edhe nga homologët e tij Ilir Meta nga Shqipëria, Hashim Thaçi nga Kosova, Rumen Radev nga Bullgaria, Aleksander Vuçiq nga Serbia, zëvendëskryeministri i Turqisë, delegacioni i Sllovenisë dhe kori diplomatik në vend.

Ndonëse i ftuar, në seancën e të dielës nuk do të merr pjesë presidenti i Greqisë, Prokopis Pavlopulos për shkak të vizitës së tij në Kinë. Në vendin e tij, Qeveria greke ka deleguar ministrin e Jashtëm, Georgios Katrougalos. Në të njëjtën seancë do të marrin pjesë edhe përfaqësues të komuniteteve fetare, gjykatës dhe prokuror.

Pas inaugurimit, Pendarovski do të niset për rezidencën e presidentit në Vodno. Gjatë pranim-dorëzimit të detyrës, Pendarovski do të prezantohet me kabinetin e presidentit në ikje Gjorge Ivanov. Pas përfundimit të takimit, Pendarovski dhe Ivanov do të mbajnë konferencë të përbashkët për media.

Pendarovski zgjidhet president pas fitores në raundin e dytë në zgjedhjet e pesta presidenciale në Maqedoninë e Veriut nga pavarësimi i saj. Në mandatit e tij, Pendarovski do të jetë presidenti i pestë i “Maqedonisë”, ndërsa i pari i Maqedonisë së Veriut.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!