Autoriteti i Aviacionit Civil ka inspektuar disa aeroplanë që operojnë në Aeroportin Ndërkombëtar të Prishtinës “Adem Jashari”.

Autoriteti i Aviacionit Civil i Republikës së Kosovës, gjatë kësaj jave ka inspektuar disa aeroplanë në platformë të aviokompanive të ndryshme të cilat operojnë në ANP “Adem Jashari”.

“Gjatë këtyre inspektimeve nuk janë vërejtur parregullsi në pajisje apo përgatitje të personelit të aeroplanëve, të cilët do të ishin të nivelit të lartë për rrezikim të sigurisë së fluturimit.Gjithashtu, bashkë me Ministrinë e Infrastrukturës dhe Transportit, AAC është duke e hetuar rastin i shfrytëzimit të aeroplanëve nga aviokompanitë tjera të cilat nuk operojnë rregullisht në vendin tonë”, thuhet në njoftimin e AACK-së.

Tutje u shtua se AACK mbetet e përkushtuar për të ofruar një ambient të sigurt për zhvillimin e operimeve të aviacionit civil në Kosovë.

Komento:

	Komenti