Inter merr lajmin e madh nga Barcelona pak para ndeshjes me PSV-n – Ora Info Ballina | ORAinfo.com - Nuk ndalet

Inter merr lajmin e madh nga Barcelona pak para ndeshjes me PSV-n

14:46 | 11 Dhjetor 2018

Sonte rikthehet magjia e ndeshjeve të Ligës së Kampionëve.

Barcelona do të luajë me Lionel Messin titullar ndaj Tottenhamit sipas të gjitha gjasave, në një tejet vendimtare për shpresat e Interit për të mbetur në Ligën e Kampionëve.

Zikaltrit duhet të mundin me rezultat gjigantin anglez, pasi Spurs kanë përparësinë e golit të shënuar si mysafir në përballje me Interin teksa të dy skuadrat kanë nga shtatë pikë në renditjen tabelore, transmeton Express.

Interi e pret PSV-në, derisa Tottenhami e viziton Barcelonën në “Camp Nou”.

Barça tashmë e ka fituar grupin dhe do të luajë vetëm për ta kryer obligimin dhe nëse Tottenhami fiton, atëherë skuadra e Luciano Spallettit do të eliminohet, pavarësisht se çfarë rezultati nxjerr ndaj PSV-së.

Sipas Gazzetta dello Sport, Thomas Vermaelen do të jetë titullar si rrallë herë, bashkë me të rinjtë Munir El Haddadi, Carles Alena dhe Juan Miranda.

Megjithatë, duket se edhe Messi do të luajë bashkë me Philippe Coutinhon, Arturo Vidalin dhe Sergio Busquetsin.

Ndërkohë, Spurs do të jenë pa Mousa Dembele, Kieran Trippier, Juan Foyth, Davison Sanchez, Victor Ëanyama dhe Serge Aurier.

Formacionet e mundshme:

Barcelona: Cillessen; Semedo, Vermaelen, Lenglet, Miranda; Aleñá, Busquets, Vidal; Coutinho, Munir, Messi

Tottenham Hotspur: Lloris; Walker-Peters, Alderëeireld, Vertonghen, Davies; Dier, Winks; Alli, Eriksen, Son; Kane

Komento: