Interi këndellet, fiton pa vështirësi ndaj Cremoneses.

Interi ka shënuar fitore ndaj Cremoneses me rezultat 3-1 në kuadër të javës së katërt në Serie A.

Zikaltërit e nisën në sulm që në start duke shënuar në minutën e 12-të të takimit.

Ishte Joaquin Correa që përfitoi nga një top i kthyer nga portieri për të gjetur rrjetën për 1-0.

Në minutën e 38-të Nico Barella arriti të shënojë një super gol për 2-0, duke e quar skuadrën në pushim me dy gola epërsi.

Interi kishte edhe raste të tjera në pjesën e dytë, por deri në minutën e 76-të nuk ndryshoi rezultati.

Barella kësaj radhe në rolin e asistuesit e gjeti Lautaro Martinezin që shënoi për 3-0.

Krejt cka bën mysafirët ishte një gol me David Okereken të shënuar në minutën e 90-të për 3-1.

Interi tani ka 9 pikë dhe mban vendin e dytë pas Romës lider.

Komento:

	Komenti