Look-u i vitit, ish-zonja e Parë e SHBA-së i habit të gjithë me stilin.

Ish-zonja e Parë e Shteteve të Bashkuara të Amerikës, Michelle Obama ka nisur së fundmi një turne njëmujor për promovimin e librave dhe si gjithmonë, zgjedhjet e saj në stil po zënë titujt kryesorë në media.

Por, ka pasur një ndryshim të dukshëm në veshjet e saj, nga siluetat klasike për të cilat ajo është e njohur në stilet më “lozonjare”.

Të martën, në Atlanta, ajo doli në skenën e Fox Theatre me një xhaketë me ngjyra Roksanda x Fila dhe pantallona të zeza me bel të lartë.

Obama e kompletoi look-un e saj me çizmet e zeza me majë ndërsa kishte guxuar po ashtu edhe me modelin e flokëve.

Veshja i shtohet një liste në rritje të stilit që ajo ka zgjedhur të ndjekë gjatë promovimit të librit të saj të tretë, “The Light We Carry”, i cili reflekton se si ajo është përballur me marrëdhënie të ndryshme, dyshimet rreth vetes dhe ankthin gjatë periudhave të pasigurta.

Komento:

	Komenti