Ambasada amerikane në Kosovë sonte ka organizuar pritje për nder të 248-vjetorit të Pavarësisë së ShBA-së.

Të pranishëm në këtë ngjarje ishin personalitete politike, si dhe përfaqësues të shoqërisë civile dhe të mediave.

Në fjalën e tij, ambasadori amerikan në Kosovë, Jeffrey Hovenier, tha se ata janë mbledhur për festuar 4 korrikun e vitit 1776.

Hovenier tha se është krenar që vendi i tij është themeluar në bazë të idesë se “të gjithë burrat dhe të gjithë gratë janë krijuar të barabartë” dhe se “midis këtyre të drejtave janë jeta, liria dhe kërkimi i lumturisë.

Ai theksoi se edhe më tutje, shoqëria amerikane vazhdon të udhëhiqet prej parimit të barazisë e lirisë.

Përveç kësaj, Hovenier tha se ShBA është krenare për mbështetjen që i kanë dhënë popullit të Kosovës për të vendur paqe e siguri.

Ai garantoi se ShBA ishin dhe do të jenë me popullin e Kosovës, për cka shtoi se mbështetja amerikane është apartiake.

Ndërkaq, presidentja e vendit, Vjosa Osmani, tha se Dita e Pavarëisë nuk është ditë krenarie vetëm për amerikanët, por edhe për popullin e Kosovës e të gjithë në mbarë botën.

Duke kujtuar rolin e ShBA-së në çlirmin e vendit, Osmani tha se 25 vjet më parë bota demokratike e udhëhequr nga Shtetet e Bashkuara ndërhyri për t’i dhënë fund vuajtjeve të tmerrshme të regjimit serb, për cka shtoi se fal kësaj populli i Kosovës përjetoi bekimet e lirisë e të paqes.

E para e vendit gjithashtu u shpreh se e bindur se ardhmja mes dy vendeve ka kapituj lavdie përpara.

 

Komento:

	Komenti