Italia shënon numrin më të vogël të vdekjeve që nga fillimi i pandemisë – Ora Info Ballina | ORAinfo.com - Nuk ndalet

Italia shënon numrin më të vogël të vdekjeve që nga fillimi i pandemisë

19:38 | 30 Korrik 2020

Numri më i ulët i vdekjeve që nga fillimi i pandemisë në Itali.

Italia ka shënuar sot vetëm tri vdekje nga koronavirusi, shifër kjo më e ulëta që nga shpërthimi i pandemisë në këtë vend.

Megjithatë, në 24 orët e fundit është regjistruar një numër më i madh i rasteve të reja – 386, prej tyre më së shumti në rajonin Venecia – 112, pasuar nga Lombardia 88, Sicilia 39 dhe Emilia-Romagna me 35. Umbria, Sardenja, Valle d’Aosta, Molise dhe Basilicata janë pa të infektuar rishtas.

Bilanci i rasteve fatale që nga fillimi i epidemisë është 35.132, derisa numri i personave në njësitë e kujdesit intensiv është gjithashtu pak më i lartë – 47, derisa dje ky numër ishte 38.

31 persona u shtruan në spital më shumë se dje, gjithsej 848, ndërsa në izolim shtëpiak janë 11.435 persona.

Komento: