Milan ka njoftuar nënshkrimin e mesfushorit brazilian Lucas Paqueta nga Flamengo në një kontratë prej katër vjet e gjysmë.
Marrëveshja u konfirmua nga Lega Serie A të enjten dhe Milan pasoi një njoftim të tyre në faqen e tyre zyrtare përcjell ORAinfo.
“AC Milan ka njoftuar sot blerjen e të drejtave të regjistrimit të Lucas Tolentino Coelho de Lima (Paqueta) nga Clube de Regatas do Flamengo (Flamengo). Mesfushori brazilian ka nënshkruar një kontratë 5-vjeçare deri më 30 qershor 2023.
“Lindur në Rio de Janeiro më 27 gusht 1997, Lucas Paqueta filloi karrierën e tij si futbollist me ekipin rinor të Flamengos dhe debutoi më 28 maj 2017 me skuadrën e parë kundër Clube Athletico Paranaense.
“Me Flamengon ai regjistroi 65 paraqitje duke shënuar 13 gola dhe fitoi Campeonato Carioca de Futebol 2017. Ai bëri debutimin e tij me Kombëtaren Braziliane më 5 shtator 2018 në një fitore miqësore 2-0 kundër SHBA.
“Lucas Paqueta do të bashkohet me shokët e tij në Milanello më 7 janar 2019, kur të rinisin sesionet e trajnimit”.
Rossonerët shtuan në deklaratën e tyre se 21-vjeçari do të zbulohet të martën e ardhshme, duke përkuar me nisjen e faqes së internetit të tyre në gjuhën portugeze dhe llogarinë e Twitter.
Ka edhe raporte që Diavolo kanë angazhuar për një shtesë prej 10 milion € në shpërblime, në krye të shpenzimeve të tyre fillestare prej € 35m./ORAinfo/
-3 °C
