Anëtari i Kryesisë së LDK-së ka njoftuar se zgjedhjet në këtë parti kryhen në vjeshtë,duke njoftuar sea ende nuk kandidat për Kryetar.

Naser Osmani, deputet i LDK’së dhe anëtar i Kryesisë së kësaj partie, ka thënë se procesi zgjedhor në LDK nuk do të përfundojnë deri në vjeshtë. Ka thënë se ende është herët të flitet për kandidaturat për Shef të Partisë. Deri në Kuvendin Zgjedhor të LDK’së, sipas Osmanit, Partia e ka Kryetarin.

Anëtari i Kryesisë së LDK’së, Naser Osmani, konsideron se ende është herët të flitet për çfarëdo kandidaturë për Shef të Partisë. Ka thënë se procesi zgjedhor nëpër nëndegë e degë të LDK’së do të zgjasë deri në vjeshtë.

“Prandaj, deri atëherë është herët të flitet për emrat e mundshëm për Kryetar të LDK’së”, ka thënë Osmani, të shtunën për Express.

Ai ka refuzuar të flasë për ndonjë emër se kush mund të jetë udhëheqës në katër vitet e ardhshme i partisë së themeluar nga Ibrahim Rugova.

“Shumë herët është të flitet për emra”, ka shtuar ai. LDK ka marrë vendim të hyjë në zgjedhje të brendshme.

Në dy mandatet e fundit LDK udhëhiqet prej Isa Mustafës, i cili në vitin e fundit ka pasur probleme shëndetësore por ka vazhduar të mbajë pozitën e udhëheqësit.

Naser Osmani thotë se deri në Kuvendin e Përgjithshëm LDK e ka Kryetarin.

Deri më tash janë përmendur disa emra të mundshëm për Shef të Partisë së themeluar në fund të vitit 1989. Ndër ta janë edhe: Fatmir Sejdiu, Lutfi Haziri, Arban Abrashi, Vjosa Osmani, Agim Veliu, Gazmend Muhaxheri e Kujtim Shala, i cili ka thënë se ka vendosur të mos i hyjë garës për Shef të partisë.

Anëtari i Kryesisë së LDK’së, Naser Osmani, thotë se është herët të përmenden emra në këtë fazë kur zgjedhjet veç sa kanë filluar.

Udhëheqësi aktual i LDK’së, Isa Mustafa ende s’e ka sqaruar pozicionin e tij nëse do t’i hyjë garës për mandatin e tretë. Njëjtë kishte vepruar kur ia kishte marrë udhëheqjen e LDK’së Fatmir Sejdiut.

Mustafa asnjëherë s’kishte thënë se do t’i hyjë garës për Kryetar të LDK’së deri në momentin kur ishin nxjerr kandidaturat në Kuvendin e Përgjithshëm të LDK’së.

Me Isa Mustafën LDK ka pësuar tri humbje në zgjedhjet nacionale. E ka humbur edhe pushtetin në Komunën kryesore të Kosovës, Prishtinën. Pavarësisht kësaj, Isa Mustafa asnjëherë s’ka dhënë shenja se mund të largohet.

Lideri aktual i LDK’së, Isa Mustafa ishte përkrahur edhe nga grupi i Astrit Haraqisë e Ukë Rugovës. Mirëpo, tash, këta kanë dalë kundër.

Komento:

	Komenti