Kosova po përballet me probleme të shumta, prandaj një pjesë e të rinjve kërkon të ikin në vendet perindimore për një jetë më të mirë.

Sondazhi i fundit i Gallup, i cili është kryer në 152 shtete të botës, ka nxjerrë Shqipërinë në vendin e katërt, si shteti me 60 për qind të popullatës (rinisë) që duan të largohen nga vendi, e ndjekur nga Kosova me 46 %. Sondazhi është kryer në mes të viteve 2015 dhe 2017.

Vendet me dëshirë pak më të lartë për të migruar janë Haiti (63%), Liberia (66%) dhe Sierra Leone (71%). Kur Gallup kreu studimin, Sierra Leone dhe Liberia ishin në mes të shpërthimit të Ebola.

Ndërkaq, Siria e shkatërruar nga lufta renditet në vendin e 12 (46%), e ndjekur nga Kosova (46%).

Sipas Gallup, mesatarja mbarëbotërore e njerëzve që duan të emigrojnë vlerësohet në 15%, pak më e lartë se mesatarja mes viteve 2013 dhe 2016.
Dëshira e shqiptarëve për të migruar është katër herë më e lartë se mesatarja botërore, transmeton Telegrafi.

Komento:

	Komenti