Jep dorëheqje ministri – Ora Info Ballina | ORAinfo.com - Nuk ndalet
Lajmet e fundit
0 °C

Jep dorëheqje ministri

22:33 | 01 Nëntor 2019

Nga Mali i Zi,vjen një dorëheqje.

Ministri malazez i Zhvillimit dhe Turizmit, Pavle Radulovic dha sot dorëheqjen pas publikimit, në një stacion televiziv, të një videoje që tregon dy inspektorë të punësuar nga ministria e tij duke pranuar një rryshfet.

Kjo është hera e parë që një çështje korrupsioni çon në dorëheqjen e një ministri në këtë vend të vogël të Ballkanit.

“Askush nuk më ka sygjeruar të dorëhiqem, ky është pasqyrimi i mendimeve të mia personale për këtë çështje, etika duhet të ekszistojë në punë dhe në administratën shtetërore”, deklaroi ministri në një konferencë shtypi.

Video, e publikuar dje në mbrëmje nga “TV Vijesti”, tregon dy funksionarët që diskutojnë për një rryshfet prej disa mijëra eurosh për të lejuar një biznesmen të vazhdonte, pavarësisht një lejeje që i kishte kaluar afati, ndërtimin e një ndërtese në zonën turistike të Budvës.

Ministri, i ardhur në qeveri në vitin 2016 shpjegoi për median se një procedurë disiplinore ishte ndërmarrë kundër dy inspektorëve para publikimit të kësaj videoje.

Mali i Zi që po negocion për anëtarësimin në Bashkimin Europian ka si prioritet luftën kundër korrupsionit dhe krimit të organizuar.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!