Mourinho e dëshiron mesfushorin e Bayernit te Roma.

AS Roma raportohet se ka shprehur interesim për Marcel Sabitzerin.

Mesfushori u rikthye te Bayern Munichi pasi e kaloi gjysmën e sezonit të fundit si i huazuar te Manchester United, transmeton Gazeta Express.

Megjithatë, ka pak gjasa që Sabitzer të mbetet te kampionët e Gjermanisë, pasi vlerësohet se nuk bën pjesë në planet e klubit.

Kësisoj, Roma po planifikon të shfrytëzojë situatën pasi ka shprehur interesim për austriakun, sipas “Sport Bild”.

Jose Mourinho thuhet se po kërkon opsione për të përforcuar mesfushën për sezonin e ardhshëm dhe Sabitzer është në listën e tij.

Në fillim të korrikut u raportua se Bayerni i ka vënë 29-vjeçarit një çmim prej 15 milionë eurosh, që është e njëjta shumë që i kushtoi klubit kur u transferoi nga Leipzigu më 2021.

Sezonin e kaluar, Sabitzer u paraqit 24 herë për Bayernin në të gjitha garat duke shënuar një gol dhe shtuar një asistim.

Kurse, nga janari regjistroi 18 ndeshje me Man Unitedin, shënoi tre gola dhe shtoi një asistim.

Marcel Sabitzer me Bayern Munichin ka kontratë të vlefshme deri në verën e vitit 2025.

Komento:

	Komenti