Allegri ëndërron që Salah të luajë për Juventusin

Sipas raportimeve të shumta në Itali, ylli i Liverpoolit, Mohamed Salah është transferimi i ëndrrave te Juventusi për të zëvendësuar Paulo Dybalan në sezonin 2022-2023.

Egjiptianit i skadon kontrata në vitin 2023 dhe bisedimet për të zgjatur qëndrimin e tij në Anfield nuk kanë çuar askund deri më tani.

Gazeta Il Corriere della Sera dhe Calciomercato. com raportojnë se ai është objektivi kryesor i Juventusit për të zëvendësuar Dybalan sezonin e ardhshëm edhe nëse nuk do të jetë e lehtë të bindë Liverpoolin të shesë yllin e tyre gjatë verës.

Kërkesat ekonomike të Salah shihen gjithashtu si një pengesë për marrëveshjen, duke qenë se ish- ylli i Romës kërkon një pagë më të lartë se 12 milionë euro në sezon.

Juventusi do të përdorte dekretin e rritjes për të marrë një zbritje tatimore në pagën bruto të lojtarit, por edhe me këtë, ata do të luftonin për të respektuar parametrat e tyre financiarë.

Biankonerët jo vetëm që po përpiqen të forcojnë skuadrën e tyre për sezonin 2022-2023, por duhet ta bëjnë këtë duke ulur faturën e pagave.

Gjigantët e Serie A do të kërkojnë një anësor ose një qendër mesfushor të klasit të lartë për të zëvendësuar La Joyan. Të tillë si Jorginho, Sergej Milinkovic-Savic dhe Paul Pogba janë gjithashtu objektiva të mundshëm për të zëvendësuar startin argjentinas sezonin e ardhshëm.

Komento:

	Komenti