Polemikat rreth parregullsive financiare të identifikuara në Juventus janë ende duke u përfolur dhe klubi nga Torino tashmë po mendon një mundësi për të mbrojtur interesat e saj.

Sipas të përditshmes italiane, Corriere dello Sport, UEFA mund të penalizojë Juventusin me skualifikim nga Liga e Konferencës në sezonin e ri dhe pikërisht ky është një skenar që kënaq përgjegjësit e klubit italian, për të shmangur një skualifikim të mundshëm për sezonin e ardhshëm.

Kështu, nëse përjashtohet për një sezon, Juventusi do të heqë dorë nga pjesëmarrja në kompeticionet më pak të rëndësishme evropiane për klube mes tre atyre që ekzistojnë dhe mund të marrë pjesë në Champions League 2024/25, në rast se renditet në katër pozitat e para të Serie A, transmeton Klankosova.

Kujtojmë se për shkak të parregullsive financiare, Juventusi u dënua me 10 pikë në ediconin e fundit të kampionatit italian, duke përfunduar kështu në vendin e shtatë dhe rrjedhimisht kualifikimin në Ligën e Konferencës.

Komento:

	Komenti