Kreu i Kuvendit të Kosovës, Kadri Veseli ka pranuar se Kosova po rrezikohet nga ikja e të rinjve.

Veseli po merr pjesë në konferencën “Dialogu publiko-privat”, ku po diskutohet për ndërmarrësinë dhe ekonominë e Kosovës në përgjithësi.

Duke folur për kushtet jo të mira ekonomike në vend, Veseli ka thënë se Kosova po rrezikohet nga fakti që rinia mund ta lëshojë vendin.

Rrjedhimisht, Veseli thotë se Kosova po përballet edhe me rëndim demografik.

“Kosova na u rrezikohet nga fakti që rinia jonë mund ta lëshojë vendin tonë. Ne mund të kemi një rëndim demografik. Pra mund të jemi për 100 mijë ose 200 mijë banorë më pak. Pra Kosovës i duhet shtimi i natalitetit dhe ndihma e diasporës. Kosovës duhet që këta ndërmarrës t’i sjellim në Kosovë”, tha Veseli.

Komento:

	Komenti