Sulmuesi Karim Benzema nuk ka asgjë kundër që t’i bashkohet skuadrës së Manchester Unitedit.

“El Nacional” ka raportuar të premten se Benzema është i gatshëm të bëjë një lëvizje në Premier League në fund të këtij edicioni, nëse merr një ofertë të mirë nga Manchester Unitedi.

Francezi është në negociata me Real Madridin për rinovimin e kontratës që i skadon në fund të këtij sezoni, por thuhet se ka dëshirë të luajë edhe në kampionatin anglez për t’i dëshmuar cilësitë e tij.

Tek Unitedi janë në kërkim të një sulmuesi për sezonin e ri dhe nuk përjashtohet mundësia që të tentohet Benzema nga trajneri Erik ten Hag.

34-vjeçari është kapiten i Realit, ekip të cilit iu bashkua në vitin 2009, ndërsa këtë edicion ka shënuar katër gola në nëntë paraqitje.

Komento:

	Komenti