Deputeti i Partisë Demokratike të Kosovës (PDK), Ardian Kastrati, ka kritikuar Qeverinë aktuale duke e cilësuar si të dështuar.

Kastrati ka theksuar se qytetarët po përballen me rritje të çmimeve në shumë sektorë, përfshirë rritjen prej 100% të energjisë elektrike dhe rritjen e çmimeve të produkteve ushqimore me 50%.

Sipas tij, ndërkohë që qytetarët po përballen me vështirësi ekonomike, qeveria ofron vetëm një rritje minimale të pagave prej 6.80 eurosh.

Përveç kësaj, ai ka theksuar sanksionet prej 300 milionë eurosh nga partnerët ndërkombëtarë, mungesën e njohjeve të reja për Kosovën, dhe izolimin gjithnjë e më të madh të vendit, si nga ShBA-ja, ashtu edhe nga BE-ja.

Ai e përmendi gjithashtu se, ndërkohë që Kosova përballet me këto sfida, Serbia po bën marrëveshje të mëdha ndërkombëtare, duke nënshkruar kontrata miliardëshe me Gjermaninë për litium dhe me Francën për aeroplanë.

Kastrati e mbylli deklaratën e tij me një ironi, duke thënë se cilido që i konsideron këto si suksese të qeverisjes, i nevojitet një vizitë në Qendrën Klinike Universitare të Kosovës (QKUK).

Komento:

	Komenti