Situata në veri të Kosovës nuk ka qenë e qetë sot.

Shefi i Kabinetit të presidents Osmani, Blerim Vela, ka reaguar ndaj kërcënimeve të presidentit të Serbisë, Aleksander Vuçiq para ushtrisë serbe sot në Kralevë.

Vuçiq me tone kërcënuese atje tha se ushtria serbe është në gatishmëri për çdo thirrje që mund t’i vijë, shkruan lajmi.net.

E Vela në një postim në Twitter, ka thënë se BE duhet të reagojë ndaj kësaj gjuhe kërcënuese të Vuçiqit dhe t’i bëjë publike ambiciet e tij hegjemoniste.

“Për herë të dytë në disa javë, Vuçiq kërcënon me dërgim të ushtarëve në Kosovë. Përveç përpjekjes së tij për të mbajtur një sindikatë të krimit të tipit Vuçiq-Belivuk në veri të Kosovës, BE-ja duhet të bëjë publike ambiciet e tij hegjemoniste”, ka thënë Vela në një postim në Twitter.

Komento:

	Komenti