Sindikata e sektorit privat kërcënon me grevë, kërkojnë heqjen e kushtëzimit nga Qeveria.

Sindikata e Pavarur e Punëtorëve e Sektorit Privat të Kosovës, kanë kërkuar që kushtëzimi i Qeverisë lidhur me pakon e inflacionit që ka të bëjë me stimulimin e punëtorëve te këtij sektori të hiqet ose të ndryshojë.

Pas takimit që kanë mbajtur me udhëheqësit e shoqatave sindikale, thanë se greva është e pashmangshme nëse ky kusht nuk ndryshon.

Kryetari i Sindikatës së Pavarur e Punëtorëve e Sektorit Privat të Kosovës, Jusuf Azemi, tha se greva është e pashmangshme nëse ky kusht nuk ndryshon.

Kërkesë tjetër e kanë edhe rritjen e pagës minimale, me ç’rast akuzuan kryeministrin për mashtrim.

“Thika na ka ardhur në palcë dhe nuk mund më të durojmë”, ka thënë Azemi duke i kërkuar Qeverisë që t’i shqyrtojë masën.

Hysni Gashi nga Sindikata e punëtorëve privat në Universitetin e Prishtinës, tha se presioni i punëtorëve po rritet dhe se greva është e pashmangshme.

“Edhe ne kemi presion që përmes sindikatës që t’u drejtohen institucioneve për rritje pagash dhe siç duket kryeministri po dëshiron që këtë rritje ta lë për zgjedhje në mënyrë që ta shfrytëzojë. Punëtorët këmbëngulin që të hyjmë në grevë, dhe nëse nuk merren për bazë kjo kërkesë, atëherë edhe ne do të hyjmë në grevë”.

Kryetari i Shoqatës Sindikale të sigurimit fizik në QKUK, Sabri Ejupi e konsideron të domosdoshmë grevën, shkruan Ekonomia Online.

“Ne kemi marr vendim që kjo pako e qeverisë duhet të ndryshojë dhe që të hiqet ky kushtëzim. Ne e kemi marrë këtë vendim që nëse ky vendim nuk largohet, atëherë grevën e kemi të pashmangshme”, tha ai.

Edhe sindikatat tjera kërkuan bashkërisht që ky kusht të hiqet. Në të kundërtën paralajmëruan grevë të përgjithshme.

Komento:

	Komenti