Kërkesa e Mogherinit për taksën, kështu i përgjigjet Qeveria Haradinaj – Ora Info Ballina | ORAinfo.com - Nuk ndalet

Kërkesa e Mogherinit për taksën, kështu i përgjigjet Qeveria Haradinaj

23:17 | 01 Shkurt 2019

Taksa prej 100% për produktet serbe po vazhdon të mbetët temë shumë e diskutuar në vend dhe jo vetëm.

Qeveria e Ramush Haradinajt i është përgjigjur kërkesës së Federica Mogherinit për heqjen e taksës ndaj produkteve me prejardhje serbe dhe boshnjake.

Përfaqësuesja e Lartë e Bashkimit Europian, Federica Mogherini, zhvilloi sot bisedë telefonike me Presidentin e Kosovës Hashim Thaçin, të cilit i kërkoi që pa humbur kohë të revokohen tarifat ndaj mallrave serbe.

Në lidhje me këtë kërkesë të ripërsëritur të shefes për Politikë të Jashtme të Bashkimit Europian, në një përgjigje nga Qeveria e Kosovës, bëhet e ditur që Kryeministri Ramush Haradinaj nuk ka lëvizur nga qëndrimet e tij rreth mos-largimit të taksës.

Halil Matoshi, këshilltar i kryeministrit Ramush Haradinaj, në një prononcim për KlanKosovën ka thënë se po që se Serbia do ta njihte shtetësinë e Kosovës në mëngjes, tarifa 100% do të hiqej në mesditën e së shtunës.

”Taksa do të hiqej që nesër në mesditë po që se Serbia do ta njihte Kosovën në mëngjes!”, është shprehur Matoshi.

Komento: