Këto vende të BE-së po përdorin pasaportën e udhëtimit COVID-19 – Ora Info Ballina | ORAinfo.com - Nuk ndalet

Këto vende të BE-së po përdorin pasaportën e udhëtimit COVID-19

21:04 | 19 Qershor 2021

Cilat vende të BE-së po përdorin pasaportën e udhëtimit COVID?

Gjashtëmbëdhjetë vende kanë filluar të përdorin ‘Certifikatën dixhitale COVID’ të BE-së (EUDCC) për t’u dhënë mundësi qytetarëve të tyre të udhëtojnë lehtësisht nëpër bllok.

Komisioni Evropian thotë se pesëmbëdhjetë shtete anëtare – Austria, Belgjika, Bullgaria, Kroacia, Republika Çeke, Danimarka, Estonia, Gjermania, Greqia, Letonia, Lituania, Luksemburgu, Polonia, Portugalia dhe Spanja – kanë filluar lëshimin e certifikatave të para, shkruan Euronews.

Atyre u bashkohet Islanda, e cila është e para nga katër vendet e Zonës Ekonomike Evropiane që bashkohen në skemë.

Certifikata është në dispozicion në formë dixhitale ose letër dhe është falas. Porta hyrëse lejon qasjen në të gjitha kodet QR të certifikatave.

Plani i BE-së është që një sistem i vetëm të lehtësojë udhëtimin e sigurt duke verifikuar statusin e koronavirusit të udhëtarëve – qoftë përmes vaksinimit, një rezultati negativ të testit të kohëve të fundit, apo provës së rikuperimit nga virusi.

Më shumë se 20 vende kanë testuar me sukses sistemin në muajin e fundit, thotë Komisioni Evropian.

Certifikata u përfshi zyrtarisht në ligjin e BE-së në një rekord 62 ditë në 14 Qershor pas një vote të shumicës së konsiderueshme nga Parlamenti Evropian.

Komento: