Deputetja e Lidhjes Demokratike e Kosovës, Doarsa Kica Xhelili ka reaguar pas kallximit penal të bërë ndaj Lumir Abdixhikut dhe Paris Gurit nga Ministri i Bujqësisë, Faton Peci.

Kica-Xhelili ka lavdëruar kryetarin dhe sekretarin e Forumit të Rinisë së LDK-së , Paris Gurin dhe Egzon Pacollin që  njoftuan për subvencionet që deputetja e VV-së, Fitore Pacolli i dha për vëllaun dhe dajën e saj.

Përmes një shkrimi në  rrjetin social “Facebook”, Kica-Xhelili thotë  se Pacolli dhe Guri “e zhveshen nepotizmin me subvencione”, duke shtuar se këta djemë nuk do të zbrasen nga kallëzimet penale.

“Këta dy djem, janë Parisi dhe Egzoni. I pari kryetar, e i dyti sekretar i Forumit të Rinisë së LDK-së. Këta janë djemtë tanë që zhveshën plotësisht nepotizmin me subvencione. Këta shpërfaqën hipokrizinë e dikurshme të atyre që bërtisnin si “paraja publike duhet mbajtur larg familjarëve”. Këta djem, jo që nuk zbrapsen nga kallëzimet penale, jo që nuk i japin ‘5 pare’ për sulmet e kota të pushtetit, por kam “drojën” që veçse e morën një INFUZION shtesë për t’a demaskuar komplet qeverinë”, ka shkruar ajo.

Postimi i saj i plotë :

“Kqyri Egzon, kur t’na bëjnë kallëzim penal që i nxunëm.”

Këta dy djem, janë Parisi dhe Egzoni. I pari kryetar, e i dyti sekretar i Forumit të Rinisë së LDK-së.

Këta janë djemtë tanë që zhveshën plotësisht nepotizmin me subvencione. Këta shpërfaqën hipokrizinë e dikurshme të atyre që bërtisnin si “paraja publike duhet mbajtur larg familjarëve”.

Këta djem, jo që nuk zbrapsen nga kallëzimet penale, jo që nuk i japin ‘5 pare’ për sulmet e kota të pushtetit, por kam “drojën” që veçse e morën një INFUZION shtesë për t’a demaskuar komplet qeverinë.

Paris & Egzon, na keni mbrapa! PRIJINI BETEJËS KUNDËR KORRUPSIONIT!