Zvicra e ka siguruar kualifikimin në fazën tjetër ndaj Serbisë për herë të dytë radhazi dhe për herë të dytë radhazi e eliminoi Serbinë.

Helvetikët triumfuan 3:2 ndaj Serbisë, duke u kualifikuar në 1/8 e finales së Kupës së Botës.

Granit Xhaka, i cili u zgjodh “Lojtari i Ndeshjes” pas ndeshjes është shprehur krenar për kalimin tutje.

“Kishte emocione, krejt kjo është pjesë e futbollit. Ndeshje fer. Duam të fokusohemi në futboll. Kemi bërë hap para dhe jemi krenar që jemi kualifikuar në 1/8 e finales”, tha fillimisht kapiteni i Zvicrës.

“Jam i lumtur. Kemi luajtur shumë mirë. E dimë që rivali ishte kualitativ. Por, e kemi përgatitur ndeshjen shumë mirë. Kemi merituar të fitojmë”, shtoi tutje mesfushori i Arsenalit.

“Selektori Yakin do ta përgatit ndeshjen. Pse mos ta kalojmë edhe këtë ndeshje?”, përfundoi Xhaka.

Zvicra në 1/8 e finales do të përballet me Portugalinë.

Komento:

	Komenti