Kjo është gjendja e të lënduarve nga aksidenti në Graçanicë – Ora Info Ballina | ORAinfo.com - Nuk ndalet

Kjo është gjendja e të lënduarve nga aksidenti në Graçanicë

10:37 | 27 Dhjetor 2018

Një aksident ka ndodhur para pak çastesh në Graçanicë dhe mësohet se të lënduarit janë jashtë rrezikut për jetë.

Nëntë nxënës serb nga një fshat i Graçanicës janë lënduar në mëngjesin e sotëm pas një aksidenti të ndodhur mes autobusit me të cilin po udhëtonin dhe një makine të Policisë së Kosovës.

Bratislav Trajkoviç komandant në stacionin e Policisë në Graçanicë, ka thënë se aksidenti ka ndodhur në afërsi të një rreth rrotullimi, derisa vetura e Policisë së Kosovës në të cilën gjendeshin dy polic, ka goditur autobusin i cili po transportonte nxënësit për në shkollë, shkruan Gazeta Express.

Nxënësit e lënduar janë dërguar menjëherë në Qendrën Emergjente në Graçanicë, dhe janë vendosur nën kujdesin e mjekëve.

Doktoresha Marina Madiç ka konfirmuar se të gjithë studentët janë jashtë rrezikut për jetë.

“Nxënësit kanë marrë kujdesin mjekësor dhe janë jashtë rrezikut”, ka thënë Madiç.

Nga aksidenti kanë mbetur të lënduar edhe dy policët , të cilët janë dërguar për në qendrën Emergjente në Prishtinë.

Pas aksidentit, Policia e Kosovës ka dalë menjëherë në vendin e ngjarjes, për të parë rrethanat e aksidentit.

Komento: