Menaxheri i Liverpool-it, Jurgen Klopp e ka cilësuar Divock Origi-n si një “hero” dhe e ka mbështetur atë që të “shpërthejë” cilindo klub ku ai përfundon mes thashethemeve se së shpejti do të nënshkruajë për AC Milan.
Drejtuesit e kuqezinjve e dinë se është një domosdoshmëri për të forcuar opsionet e sulmit dhe veçanërisht departamentin e qendërsulmuesit ku aktualisht është vetëm dyshja e moshuar e Olivier Giroud dhe Zlatan Ibrahimovic (i cili është pa kontratë) të cilët janë në gjendje të luajnë rolin, plus 18-vjeçari i papërvojë Marko Lazetic, përcjell ORAinfo.
La Gazzetta dello Sport raportoi në fillim të kësaj jave se Origi është shumë afër t’i bashkohet Milanit në një transferim të lirë përpara sezonit të ardhshëm pasi ai do të largohet nga Liverpool kur t’i skadojë kontrata. Pak kohë më parë është gjetur një marrëveshje për kushtet dhe mbetet vetëm të zgjidhen disa detaje.
Origi doli nga pankina dhe ishte me ndikim në fitoren 2-0 të Liverpool-it në derbin ndaj Evertonit, pasi ai pati një dorë në golin e hapjes dhe më pas ishte në vendin e duhur në kohën e duhur përsëri për të dyfishuar epërsinë. Pas ndeshjes, Klopp lavdëroi belgun.
“Ne kurrë nuk do të kemi një lojtar si ai, sepse nëse ai largohet, ai do të shpërthejë kudo që të shkojë. Ai është një sulmues i klasit botëror, ai është një legjendë dhe do të mbetet legjendë përgjithmonë”, tha ai (përmes InsideMilan)./ORAinfo/
6 °C
